Tiranga

Aaj mere haathon mein kaisa ye tiranga hai
Gaur se jo dekhon toh har rang failaa hai 
Bata, hai woh kahan mera pyaara tiranga

Ik rang bana rakshak duja aatankwaadi 
Inn dono mein phas gayi kashmir ki aazadi 
Bata, hai woh kahan mera pyaara tiranga

Corporate NGO ko paison ki koi tang nahin
Iss tirange mein sab kuch bas naxaliyon ka rang nahin
Bata, hai woh kahan mera pyaara tiranga

Jab jeb bhari ho paison se kya kaanon kya bandhan hai
Phir bhi reservation mange usse hardik abhinandan hai
Bata, hai woh kahan mera pyaara tiranga

Chote kapde bann karo hamein izzat bachani hai
Phir dance bar mein jaakar chupke dhoom machani hai
Bata, hai woh kahan mera pyaara tiranga

Jism faroshi karne ko haalat yahan behtar hai
Aur pyaar karne ko roke teen sau sattatr (377) hai
Bata, hai woh kahan mera pyaara tiranga

Koi pyaar kare chupke bhi, kanoon uspe sakht lage
Aur sarhad pe koi qatl kare toh sabko desh bhakt lage
Bata, hai woh kahan mera pyaara tiranga

Hum honge kamyaab, hum honge kamayaab,
Hum honge kamayaab ek din
Oo ho mann mein hai vishwaas, pura hai vishwaas

Hum honge kamyaab ek din
Dhundenge saath saath, leke haathon mein haath
Dhundenge saath saath ek din
Oo ho mera tiranga, tera tiranga, 
hum sabka tiranga ek din