Aakhri train

Aakhri tarin chali, saathi tu so ja
Fikrein teri mujhko de ja
Ek aur sheher ho raha judaa
Kal na mile toh aaj hi alvida

Sard raaton mein odhna meri shawl
Darr sataye toh rakhna ye khayaal
Ke do char pal ka hai ye imtehaan 
Subah aayegi bann ke mehmaan

Waqt pe khana, baal sawaarna
Maili kameez roz utaarna
Tujhe pata nahin ke duniya kya mangti
Aadmi ko nahin, huliya pehchanti

Ye train na ruke, tera safar chale 
Kai saalon baad kash tu mile
Ye ho paaya toh, mile hum kabhi
Muskurane dena bas, rahe ajanabi