Mere Bacche

Mere bacche tu kyun roye na, roye na?

Huqumaton ke ye naare, mandir aur minare 

Chillate hain saare, girti kaan ki deewarein 

Mere jaise hain kitne, paida hote hain mitne

Ye aawazein hain kitni, aur meri jaan itni 

Meri awaaz tujh tak aaye na, aaye na… oo

Mere bacche tu kyun khaye na, khaye na?

Jhutha sone ka chamach, khilati hai jo bacha kuch

Aag pet mein lagi hai, dil ki aag bujhi hai

Baap mera kahan hai? Khana laane gaya hai

Uski khabar na aayi, par bhuk laut aayi

Mere halak se kuch jaaye na, jaaye na… oo

Mere bacche tu kyun bole na, bole na?

Bolne ko bacha kya? Naya i-phone aaya kya?

Kisi ne like diya kya? DP upload kiya kya?

Dil jo ttot gaya na, status update kiya na?

Online sab hain dikhte, bolne ko taraste 

Maa tu online aaye na, aaye na… oo

Mere bacche tu kyun khele na… Khele na?

Duniya mein jitne bomb hai, football bhi unse kam hai,

Chamakte aasama ke taare jasoos satelite saare 

Apna apna mission hai, khilonon mein bhi gun hai 

Dost kaise banau, haath kisko badhau

Aakela mujhse khela jaaye na, jaaye na..