Koi Chara

TV laga hai sar ki jagah, fatat 100 mein kya kya dikha

News talk show pe koi haga, dekh mere andar deshhakt jaga

Saare akhbaar ad se  bhare, bachi jagah mein kuch log the mare 

Kal raat koi filmy function hua, kisne kya kya tha pehna hua

Mujhe koi akhbaar nahin chahyiye, Khushiyan udhaar nahin chahiye

TV se main hoon darne lagaa, jab bekhabar koi marne laga

Koi chara hai kya mere pass?

Pehle maine goroan ki suni, phir kuch din maine khadi buni

Jab maine dekhi khadi daag se sani, sabne apni party chuni

Panja hilate raha reh gaya, kamal kichad mein phasa reh gaya

Jhaadu toh ghar mein bhi lagta nahin, soya hathi jagta nahin

Mujhe koi party nahin chahiye, kahani dohrati nahin chahiye

Kai rang ke zhande jab se bane, choron mein se daaku hamne chune

Koi chara hai kya mere pass?

Naam mein tumhare jaat hai chupi, jisme tumhari aukaat hai chupi

Maine dekha logon ko kuchalte, pura naam jaankar chehra badalte

Ye jaat paat koi kal ki baat nahin, ye aaj bhi bata kahan pe chalti nahin

Sarkari corporate se lekar khaap tak, collegon se lekar ladki ke baap tak

Dr. Amedkar aur Jotiba Phule, mujhko bas kitabon mein qaid mile

Ye mulk aise qaidkhane mein hai pada jo dikhta nahin par hai aur bada 

Koi chara hai kya mere pass?

AC khane ko yahan pe mall bane, romance karn eko cinema hall bane

Rishton se mehngi bani jewelry, public toilet bani art gallery

Status ke liye pizza khane lage, saadi bigaadne parlor jaane lage

Sabko chahiye gori ladkiyaan, jo pehni humne branded chaddiyan

Mujhe aisi cheezein nahin chahiye, branded kamizein nahin chahiye

Bhuke bacchon se kaam hota hai jab, ek Nike ke joota banta hai tab

Koi chara hai kya mere pass?

Meri zindagi bhi kis kaam ki, do char din ke zukham si

Iska khyaal koi karta nahin, itte se koi bhi marta nahin

Meri puri nasl ek andha saap hai, maa hypocrisy aur jhooth baap hai

Saare ke saare hain tashan mein aur mujh jaise do char frustration mein

Main kyun aise qisse sunata phiru, khud hi khud ko satata phirun

Jisne suna woh hai mujh pe hasaa, aur bola ye kinn baaton mein tu phasaa

Koi chara hai kya mere pass?