Kitne dino ke baad

Jhande sab chhutenge
Dande sab tootege 
Phoote sar uthenge 
Kitne dino ke baad

Curfew kab hatt jaayega
Khauf ka kohra chhat jaayega
Fauji zinda ghar aayega
Kitne dino ke baad

News channel sach bolenge
Buddhijivi muh kholenge
Jhuthi tasveer dho lenge
Kitne dino ke baad

Humko jung nahin chahiye
Kisike bhi sang nahin chahiye
Na fauji saheed na murda atnakvaadi
Na jung jung chillati aabadi
Arey chillane walon kya ye pata nahin
Koi bhi jung aaj tak koi jeeta nahin
Abke jung hogi koi haarega nahin
Aur jeetne ko koi bachega nahin
Kitne dino ke baad
Kitne dino ke baad