Rajdhani Blues

Haath jo uthenge bole jadd se hi katege
Aur bologe toh kaat dein zubaan hum
Rehna hai Toh aise rehna, Dharm hi ho jaise sehna
Warna kyu na phhuk de makaan hum

Police hamare bhai, farji case tumpe lai 
UAPA naam ka tumko fhanda hai 
Aakhon ki patti jaa chuki, talvaar myaan mein rakhi 
Taraazu mein munafe ka dhanda hai

Law ki kitabein phaad do, kaale kapde utaar do
—---- hi lagega high court mein
My lord apne saath, gau rakshkon mein baat
Aur poora middle class hai support mein

Nayi yahan ki reet ab, nahin chalegi preet 
Ab ishare pe tiki tumhari jaan hai 
Tehzeeb ganga jamna ki, behtar ye baatein ab na ki
Jaaga yeh naya Hindustan hai 

G.B. Road mein rehti hai, Paharganj mein aati hai, 
meri pyaari mother of democracy
Laal kila laal hai, mazdoor behaal hai
Lok-kalyaan marg par hypocrisy 

Raj Ghat pe shor hai, khan market bore hai, 
Connaught-place mein dhoond lo sasta bar
India Gate pe selfie, chooso colonial kulfi, 
Aur phook se gira denge Qutub Minar

JNU ki ladkiya, tooti DU ki khidkiya, 
pinjra todd ke bahar aa gayi
Komal se in haathon mein, dande aur tikhi baaton mein, 
Vith-Mantri chupke pyaz kha gayi

Dilli ke andar dilli hai, ghanti bechti billi hai, 
budhe chuho mein hain bille ki aatma
Rainn basare bharne do, bulldozer ko phirne do
Neend ka karke rahenge khaatma

Chand kitna dur hai, usse dur Manipur hai, 
chand par hi kabse baitha hai PM
Jahan ki khabar nahin, hua kuch bhi udhar nahin, 
yahi toh hai home ministry ka niyam

Sansad nai banayi, uspar khoon ki putaai, 
Laashon se bani hai iski seedhiyan
Navjaat bacchon ki bali par kis baat ki khalbali?
Jaadugar hai dekho naya bhediya!

Railway ko bech do, junglon ko bech do
Bech do jo bhi bechne ko hai
Girebaan tight hain, left chupa right hai
Lagado aag haath sekne ko hai

Jawan gar woh musalman ho aur tera gar woh balma ho 
Toh baaraat leke aayegi chaddi gang
Iss gane ko kar denge bann, dekho dikh rahi hai police van
maro , kaato, pito, dhaan taa dhaan!