Inquilaab lao yaar

Border pe jawaan hai 
border pe kisaan hai
aur pagal hone ki
border pe naujawan hai,
yeh khoon se sinchi dhaan hai
na PM house ki laan hai
humhi se cheen ke hum hi ko bikta
corporate samaan hai

Antilia shandaar 
piche jhopdiyaan beshumaar hai 
yahin toh hai asal parliament 
yahin baithi sarkaar hai,
Keel hai bijli, taar hai
chappan chaukidaar dar hai
ye tower kisika ghar nahi 
ye loktantra ki mazaar hai

Koi tumhe bhi jagaa de yaar
baithe hain mall o mein youn bekhabar 
mulk mein aisi aag lagi
aur khana hai tumko sizeller 

Koi inquilaab lao yaar 
Koi inquilaab lao yaar

Bhool majdooron ke chhalon ko
tum badhate rahe baalo ko
puchne walon ki khalon ko dekh
sab nigal gaye sawaalon ko,
iss mulk ke behtareen dimaag 
dekho jailon mein hain sadte aaj
ek daadhi wala bajaata bean |
kanoon dole banke naag 

yeh left-right haathon mein gajraa
dono dekhe gareeb ka mujraa 
right gaya hai itna right 
ki centre bhi hai left dikh raha, 
par centrist ka alag nakhra
apni sahuliyat se woh bik raha 
yahan upar walo milti malai 
niche walon ko kachraa

Mere right aur left ke pyaaro
Nazi prashansakon, Marx ke yaaro
agar iss mulk ka bhalaa karna hai
toh pehle apne jaati ke mask utaro

Koi inquilaab lao yaar
Koi inquilaab lao yaar

Mere mainstream aur indie kalaakar 
jo dekhte nahi yahan ke samachar 
aur black lives matter pe post daal kar
lagate hain shanti ki guhaar,
yahan minorities pe atyachaar 
kaise nahi dikhte tumko har baar
apolitical hona privilege hai
chuppi bhi hoti hai jai-jaikaar 

Yeh streams, views, likes ke jaal
busy raho inmein kuch aur saal
phir tumko bhi bola jaayega ke
gaao sarkari dhun, karo unki he laal,
Main jaanu tum bhi ho khasta haal
tumko bhi sau cheezon ka malaal
par jab bandook sar par hogi
kya lagega sur, kya pakdoge taal?

Koi tumhe tumhara he gaana suna de toh 
tum band kardoge pehle he verse mein
koi tumhein jagaake le aaye yaar
tum rehte ho kis parallel universe mein?

Koi inquilaab lao yaar
Koi inquilaab lao yaar

unn liberals ko mera dur se salaam 
jo bhare pet chillate laal salaam 
jo bahar bolte hai Jai Bhim
aur ghar jaake japte hain Jai shree ram,
labour rights pe inke bhaashan aam
Faiz sunte pite hai daaru har sham
par dete nahi chutti na wajib daam 
uss aurat ko unke ghar jo karti hai kaam

Love marraige ke liye hain tayyar
par same caste mein he inhe hota hai pyaar
yahan adhe mulk par bhuk ki maar
ye vegan bane kare soya milk ka prachaar,|
furniture ki ghar mein bharmaar
climate change pe karte paid seminar 
uss protest se naata todate hain
jo unke privilage pe karta hai vaar

suno tumko lamba safar karna padega 
kitaabo se nikal rasto pe aana padega
inquilaab dusro ko samjhane walo
khud mein inquilaab tumko lana padega

Koi inquilaab lao yaar
Koi inquilaab lao yaar 

Ye geet asal mein mere he naam
yahi sochta hoon main subaho sham
ki kya karu jo mujhe chain miley
koi gaane nahi sunta deta nahi kaam,
girl friend meri alag pareshan
bhatakta hai dil atakti hai jaan
maa-baap ab ye bolte hain
kya sudharega jab hum jaaye shamshaan

Khone ka mujhko darr nahi
khone ke liye ratti bhar nahi
yeh depression, anxiety nahi
na main sucidal, bipolar nahi,
kyuki ye bimaariya toh symptom hai
asal beemari yeh system hai
jahan gareebi ek pandemic hai
aur virus caipitalism hai

Main jaanu mere jaise hai laakho yahan
maayusi mein baithe yahan wahan 
therapy ka sahara kab tak yaaro
inquilaab ki ho jarurat jahaan

Koi inquilaab lao yaar
Koi inquilaab lao yaar