Pariyaan- Childhood

Amma yeh toh bata, kaunsi hai yeh jagah
Pariyon ki duniya, ya shaitan ki gufaa
Maa ab na chupa, roti kyun be wajah
Kya pariyaan na aayengi, ya shaitan hi hai wajah

Bacche tu rona nahin, pariyan sab aayengi
Shaitan aaye bhi toh, amma usse maregi
Ye jo aasoon hain, sabko hi hai mile
Yeh khwaabon ke diye, tere liye hi jale

Amma main ab sota hoon, pariyon se khena
Deri karna nahin, kal se jaldi aana
Teri goad jaisa, koi bhi ghar nahin
Shaitan ka bhi darr yahan ratti bhar nahin

Bacche tu so gaya, mujhe neend aati nahin
Ab tak tujhko maine ek baat batayi nahin
Pariyaan hi tere hi pass, shaitaan bhi tere andar
Jeet ke sab haarega tu, ooh mere sikandar…