Papa ki pari - First love

Baat suno ik khari khari
Ek ladki thi yaa jaadugari
Pyaar mujhse karti thi bohot
Par thi woh papa ki pari

Milne aati thi woh car main
Aur hisaab rakhti thi pyaar mein
Papa ki qisse sunaye bas
Aur kaise kami hai mere pyaar mein

Papa ki pari…

Bole successful aise 
Main jaanu sab hai black ke paise
Chor ki beti ko date karta hoon mein
Ye baat usse batau kaise?

High class mein tha uthna baithna
Boli papa se kuch toh sochna
Sunn tu meri maa toh nahin
Aur bas kar mujhmein papa dekhna

Papa ki pari…

Jab papa uske rishta le aaye
Woh boli ab main kya karu haaye
Apne liye bhi ladd sakti nahin
Soche papa kahin dukhi na ho jaaye

Pyaar bina hai zindagi adhuri
Bahana hai kahe jise tu majboori
Sab jaanke bhi chup hai meri jaan
Kyun ki tu hai papa ki pari

Papa ki pari…