Gulaal- Revolution

Naujawan sadko par kahe utra kare?
Kiske kehne pe sarhad pe ja mare?
Sansad mein kaun baitha? Fauj mein kiska beta?
Kiski zidd ki qabron mein kaun leta?
Kab tak dabkar chupar haathon mein rahega gulaal?
Aye jawaan nasl kab karegi tu sawaal?

University se sab teacher kahan gaye?
Unki jagah par tank aur police aaye?
College politics se hi jo bana tha neta bada
Issi ko kahe ab bekaaar ka bakheda
Kab tak dabkar chupar haathon mein rahega gulaal?
Aye jawaan nasl kab karegi tu sawaal?

Kaun tha kiske qareeb? Kisne sajaaye saleeb?
Kiske isharon pe gayab hua hai Najee?
Iss qatla ko sucide kaha, woh kiske haathon hua?
Kya thi wajah jo mara Rohith Vemula?
Kab tak dabkar chupar haathon mein rahega gulaal?
Aye jawaan nasl kab karegi tu sawaal?

Bhagat Singh, Nehru, Gandhi, Shivaji, Ambedkar, Sardaar
Kiske ithihason mein badle yeh kirdaar?
Nahin ye vidhi ka vidhaan, kahe yeh sevak pradhan

Kaun badlne ko betaab hai sanvidhaan?
Kitne dhadakte dil nikalkar pheke gaye?
Kitnon se aise tamashe dekhe gaya?
Kiski chitaon par rotiyan senki gayi
Kiski rotiyon ki hi chita bann gayi
Kab tak dabkar chupar haathon mein rahega gulaal?
Aye jawaan nasl kab karegi tu sawaal?

Jitni thi sab tareefein tere naam kahi
Phir bhi democracy tu chup rahi…