Khush tum raho - death

Khush tum raho ahl-e-watan
lo ab yahan se chalte hain hum
Khush tum raho ahl-e-watan
lo ab yahan se chalte hain hum

Woh daur kya tumko hai yaad, 
Le haathon mein haath chalte the hum
Khush tum raho ahl-e-watan
lo ab yahan se chalte hain hum

Humne kitne talvo se kitni zubaane azad ki?
Kitnon ko awaaz dete dete umr-e-jawani barbaad ki?
Kate haathon mein sunahre qalam 
lo ab yahan se chalte hain hum
Khush tum raho ahl-e-watan
lo ab yahan se chalte hain hum

Aa bhi chuki fasl-e-bahar lekin koi khush dikhte nahin
Bulbul khamosh titaliyan chup pareshan gul kehte nahin
Ik rang ka hi jab ho chaman
Lo ab yahan se chalte hain hum
Khush tum raho ahl-e-watan
lo ab yahan se chalte hain hum

Mere jaise kitne aaye baad mere kitne aayenge
Sar mein junoon, le paane sukoon, yahi zindagi phir dohrayenge
Oudh lo sar pe bandhe kafan
Lo ab yahan se chalte hain hum
Khush tum raho ahl-e-watan
lo ab yahan se chalte hain hum

Woh daur kya tumko hai yaad, 
Le haathon mein haath chalte the hum
Ikk aur kahani chali ho dafan
Lo ab yahan se chalte hain hum.