Freedom of Speech

Ek choti si company mein kaam karta tha
Usse rashan pani ka intezaam karta tha
Wahin pe ek ladki kaam karti thi
Make up karte karte subah sham karti thi
Dekhte hi dekhte saal paar hua
Phir hum dono ko pyaar hua, alright 

Main bhi bann-than ke office jaane laga
Pata chala koi usse drop karne laga
Na gaadi thi mere pass aur license nahin tha
Upar se woh boli mujh mein style sense nahin tha
Par sach kahun toh woh sanskari ladki thi
Maine kiss karna chaha toh kya mujhpe bhadki thi

Yahi silsila mahino chalta raha
Pyaar hamara deere deehre palta raha
Ikk din woh boli gharwalon ne usse rulaya hai
Aur papa ne tumko chai pe bulaya hai
Himmat jutaake main uske ghar ko gaya
Laga ke maano jaise border ko gaya

Uska papa retired policewala tha
Sheher ke choron mein uska bolbala tha
Usne mujhpar pehli nazar aisi daali
Laga ke aakhon aaakhon mein talashi le li
Curfew wale Kashmir si haalat bani
Jab woh samne dikhi toh himmat bani

Uska bhai dekhne mein fighter tha
Anti-romeo squad ka leader tha
Phir dono mein milkar mujhpar gang up kiya
Phir same caste hai jaankar thums-up diya
Phir chai aayi jiski behuda taste thi
Par woh mummy ji purey ghar mein best thi

Phir uske papa ne baaton baaton mein kaha
Bas hum hi banayenge iss mulk ko mahan
Iss par maine bas muskura diya
Socha ki kuch bola toh pyaar haath se gaya
Phir josh mein aake woh bole, minorities ko khatam karo
Tab main uthke bola ki, uncle bas karo

Phir sabne mujhko deshdrohi nazar se dekha
Bhai ne dhakke de de kar mujhko bahar pheka 
Bhai uska bola, tu gaddar hai
Aur tu bhi Pakistaniyon ka wafaadar hai
Phir baap bola, tu hai buddhijivi ghulam
Main chillake bola, Laal salaam!

Phir dusre din meri girlfriend milne aayi
Sochke ki karungi bharpur ladaai
Par maine bhi pyaar bachaneke chakkar mein kaha,
Minorities ko khatam karo saale dikhe jahan
Par woh boli ab koi rishta hamare beech nahin
Sach kehte hain yahan freedom of speech nahin