Tum kiske saath ho?

Tum kiske saath ho? aaj bata do
Phir yeh na yeh baat ho? aaj bata do

Nikaale jaane ko hai tumhara bhai
Kin logon ki wajah yeh naubat aayi
Partition ke zakhm dekho abhi bhare hain
Kaun chahe inko phir se tazaa kare hain

Bhai se phir na mulqaat ho, aaj bata do
Tum kiske saath ho? aaj bata do

Samvidhan ko jo the likhne wale
Likhke gaye,’ hum sabka saath nibhane wale’
Phir musalmaan hona kab se gunaah hua
Naya naya ye kiske muh se suna hua

Jo samvidhaan se sehmat ho? Aaj bata do
Tum kiske saath ho? aaj bata do

Jab hindu rashtra bann jaayega, 
Iran, Iraq sa haal ho jaayega
Hinduon ko bhi kode padenge 
Haath katenge aur sar bhi udenge 

Isse pehle ki bhayanak raat ho, aaj bata do
Tum kiske saath ho? aaj bata do

Ithihaas ka badla jo hain lene wale
Ithihaas ko whatsaap se padhne wale
Ithihaas ko dekhke jisne na sikha
Ithihaas ko dohrata wahi hai dikha 

Nazion ki jamaat ho? Aaj bata do
Tum kiske saath ho? aaj bata do