Tu Nahin Meri Toh Kya

Iss baat ko kai saal ho bhi chuke
Tum bhi chuki hum wahin hain ruke
Uss sham jab mohabbat aisi ruthi
Ussi ke sahare meri umra kati
Tu nahin meri toh kya…

Suna mehnge perfume lagati ho ab
Jaane kiske armaan jagaati ho ab
Mere pass teri woh zulfo ki hawa
Kal raat jisne neend mein tujhko chua
Tu nahin meri toh kya..

Tujhko hooth rangne ke shauk hai chadha
Jaane kiske hisse ye kharch hai pada
Mere pass hai teri ik pyaali chai ki
Tere hothon ki mithas jisme ab bhi baaki
Tu nahin meri toh kya…

Smart phone mein raat bhar rehti ho busy
Kitnon ko online baatati ho khushi
Purane SMS main roz padhta hoon
Aur padhte padhte so jaata hoon
Tu nahin meri toh kya…

Mere saath hai ghamo ka ik kaafila
Kisise liya toh kisise mila
Ter kuch gham bhi mere idhar hai
aur tu iss baat se bekhabar hai
Tu nahin meri toh kya…

Tune affair kaha toh maine mohobbat kaha
Tu commit hui toh meri ibaadat yahan
Tu move on hui mere baat kahan kahan
Aur shayar bana main teri yaad mein yahan
Tu nahin meri toh kya…