Isiliye meri maa ko tu pasand nahin

Main toh hoon par tu kisiki paaband nahin
Isliye meri maan ko tu pasand nahin

Tu apni raay khud de sakti hai
Jo chahe be-khauf keh sakti hai
Tu padhi bhi hai aur aage badhi hai
Kisike sahare ke bina uddi hai

Par, par, par, par,
Par tujhko yahan chup rehna padega
Tu bolegi toh ghar mein jhagda badhega
Teri rai ki yahan aukaat nahin
Bas sar hila ke kehna koi baat nahin, koi baat nahin.

Tera dimaag rasmo se abhi band nahin
Isliye meri maan ko tu pasand nahin

Tu khana bartan se aage kar sakti hai
Apni life mein matlab bhar sakti hai
Apne dum pe haalat sudhar sakti hai
Kamake pati ko de udhaar sakti hai 

Par, par, par, par,
Par yahan pakaake khilana padega
Sacrifice ka chalaan har dum kaatna padega
Haalaton se ladne yahan pe mard hote hain
Aur paise hamesha unke hi pass hote hain, unke hi pass hote hain

Tujhko manzoor gulami ki sugandh nahin
Isiliye meri maa ko tu pasand nahin

Tu sexually liberate bhi ho chuki
Tu ladkiyon ko bhi kiss kar chuki
Shadi se pehle bhi tune sex kar liya
Har protest rally mein naam darj kar liya

Par, par, par, par,
Par phir se virgin tujhko hona padega 
Bin chahe bacchon ka bojh dhona padega
Marital rape ka mazaa uthana padega
Masturbation mein bhi loyal rehna padega, loyal rehna padega

Teri life meri jitni jhand nahin
Isliye meri maa ko tu pasand nahin
Main toh hoon par tu kisiki paaband nahin
Isliye meri maan ko tu pasand nahin