Bhagat Singh

Mila jab Bhagat Singh se sapne mein
Woh rootha hi tha, rootha hi tha
Uska basanti chola, phata hi tha, phata hi tha

Main bola tu rehta kahan aaj kal
Woh bola wahin hoon jahan tha kal
Main bola ye kya haal mein mulk hai
Woh muskake bola wahi mulk hai
Main bola kya kuch badlega kabhi
Woh bola yahi bolte hain sabhi
Main bola tera marna bekaar gaya
Woh bola jeekar bhi kisne kya kar liya

Mila jab Bhagat Singh se sapne mein…

Main bola, main bola, main bola, bola bola bola
Hain kitne gareeb aur laachar hain
Padhai ka bana karobaar hai
Pyaar pe hain paabandiyan
Zaruri bani nasbandiyaan
Jhuth pe chalti sarkarein
Sabko chahiye imported carein
Ye scam toh roz ki baat hai
Naya tax jaise nai laat hai
Dawai mehngi hoti rahi
Ameeron ki hi jaan bachti rahi
Main kitni baaton ka zikr karoon
Job karoon ya fikra karoon
Suno yaar bhagat singh kuch toh bolo
Na muskao bas, zubaan kholo

Woh bola, woh woh bola, woh bola…..

Yahi haal tha jab paaband the
Woh zinda bache jo akalmand the
Hum naujawaan the, hum deewane the
Chalke wahi jo bhare paimane the
Gareeb thi aur the beemar bhi
Tha har cheez ka tab bhi vyaapaar bhi
Wahi bhook thi aur wahi fasl thi
Bas ik baat mein woh alag nasl thi
Gile shikwe sab humko bhi the
Par saath mein fauladi jazbe bhi the
Jo nikloge ghar kahin jaaoge
Warn ghar baithe pachtaoge
Kya hua gar jo chaha ho na saka
Main apne iradon ka saccha tha
Tere tarah sofe pe sadne se toh
Mere faasi pe chad jaana accha tha

Jab aakh khuli main rota raha
Main rota raha, main rota raha, main rota raha
Phir din bhar main sota raha.